Амыгъэунэфыгъэ быбырэ пкъыгъо Адыгэ Республикэм и Джэджэ рай­он ит псэупIэу Новэм тыгъосчэщ къыщефэхыгъ.

Лъыхъон-оперативнэ купым ар къызщыхъугъэ чIыпIэм Iоф щешIэ. ЗэкIэмэ анахь шъхьаIэр — зыпари хэкIодагъэп ыкIи фыкъуагъэ хъугъэп. Былымэхъо фермэм ипсэуалъэу а чIыпIэм щытым зэрар рихыгъ.

Ащ фэшI Адыгэ Республи­кэм и ЛIышъхьэу КъумпIыл Мурат ихъытыу нэкIубгъохэм цIыфхэм закъыщыфигъэзагъ: «Рэхьатныгъэ пстэуми къызхагъэфэнэу сыкъышъоджэ. Респуб­ликэм щыпсэурэ цIыфхэм ящы­нэгъончъагъэ епхыгъэ Iофыгъо­хэм сэ сшъхьэкIэ сынаIэ атет».

Урысые Федерацием зыкъэу­хъумэжьынымкIэ и Министерствэ мыщ фэдэ къэбар нэужым къытыгъ: «Мэзаем и 28-рэ чэ­­щым Краснодар краимрэ ­Адыгэ Республикэмрэ яцIыф псэупIэ­хэм пилот зэрымыс бы-­бы­рэ аппаратхэр киевскэ режимым ащигъэфедэ шIои­гъуагъ.

УФ-м и уIэшыгъэ кIуачIэхэм яподразделениехэу радиоэлектроннэ бэнэным тегъэпсыхьа­гъэ­хэм пилот зэрымыс быбырэ аппаратхэр агъэфыкъуагъэх. Ап­паратитIуми ягъэIорышIэн зэщыкъуи, лъагъом текIыгъэх. Язырэр шъофым ифагъ, ятIо-­нэ­рэри фагъэнэфагъэм текIи, зэонэу щытыгъэ псэупIэм иягъэ ригъэкIыгъэп».

­