Адыгэ Республикэм щыпсэухэу, Урысыем и УIэшыгъэ КIуачIэхэм ядзэкIолIхэу ыкIи яветеранхэу лъытэныгъэ зыфэтшIыхэрэр!

Хэгъэгум иухъумакIо и Мафэ фэшI тышъуфэгушIо!

Мы мэфэкIыр Урысыем идзэ­кIолIхэм ялIэужхэм лIэ­шIэгъу­бэ­мэ къакIоцI хэбзэ шIагъоу ахэлъ хъугъэхэм ятамыгъэу щыт. Хэгъэ­гум къулыкъу фэхьыгъэным, Урысыем ыкIуачIэ хэхъоным, ащ игъунапкъэхэр укъуагъэ мыхъунхэм зищыIэныгъэ фэзыгъэIорышIэрэ пстэуми лъытэныгъэ зэрафэтшIырэр мы мафэм джыри зэ хэдгъэ­унэ­фыкIынэу тыфай.

Урысыем идзэкIолIхэм ялIы­­хъужъныгъэ ишIуагъэкIэ тихэгъэгу итарихъ нэкIубгъо шIагъо­хэр бэу иIэх, ахэм зыкIэ ащыщ ТекIоны­гъэшхоу къыдэтхыгъэр, нэмыц-фашист техакIохэр зэрэзэхэткъута­гъэ­хэр.

Непэ Урысые Федерацием и УIэшыгъэ КIуачIэхэм яфэшъошэ шъыпкъэу тарэгушхо ыкIи Украинэм инационалистхэм апэшIуе­кIохэзэ хэушъхьафыкIыгъэ дзэ операцием илъэхъан блэнагъэ ахэлъэу зипшъэрылъ зыгъэца­кIэхэрэм тызэрафэразэр къэтэIо.

Хэгъэгум иухъумакIохэм тыгу къыддеIэу тафэлъаIо псауныгъэ пытэ, насып ыкIи щыIэкIэшIу яIэнэу! Анахьэу тирэзэныгъэ гущы­Iэхэр зыфэдгъазэхэмэ тшIоигъор Украинэм ис нацистхэмрэ бандеровцэхэмрэ апэ­шIуе­кIорэ бэнэныгъэм хэлэ­жьэрэ тичIыпIэгъухэр ары. Адыгеир ахэм арэгушхо! Хэгъэ­гум икъэу­хъумэнкIэ пшъэрылъы­шхоу шъуиIэр зэрифэшъуашэу зэ­рэжъугъэцэкIэщтым тицыхьэ телъ! ТекIоныгъэр къыдэшъу­хыгъэу къэжъугъэзэжьынэу ты­шъожэ!

Адыгэ Республикэм и ЛIышъхьэу, Урысые политическэ партиеу “Единэ Россием” и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр