Адыгеим и ЛIышъхьэу КъумпIыл Мурат иунашъокIэ къащэфыгъэ УАЗ-хэм яIункIыбзэхэр радиационнэ, химическэ ыкIи биологическэ зыухъумэжьы­нымкIэ дзэ частьхэм ащыщ икомандирэу Андрей Донцовым непэ ра­тыжьыгъэх.

Партиеу «Единэ Россием» ишъолъыр къутамэ игъэцэкIэкIо комитет ипащэу АфэшIэгъо Рэмэзан къызэриIуагъэмкIэ, хэушъхьа­фыкIыгъэ дзэ операциер зыра­гъэжьагъэм къыщыублагъэу ти­дзэкIолIхэу ащ къулыкъур щызыхьыхэрэм АР-м и ЛIышъхьэ ынаIэ атет, ящыкIагъэу къызкIэлъэIухэрэр зэкIэ афарегъащэ.

— Адыгеим икIыгъэхэу хэу­шъхьафыкIыгъэ дзэ операцием хэлажьэхэрэм непэ афядгъэщэрэ автомобилитIур зэрахэтэу 5 ттIуп­щыгъэу мэхъу, — къыIуагъ АфэшIэгъо Рэмэзан. — Мыхэр республикэ бюджет ахъщэкIэ къащэфыгъэх. Автомобильхэм ямызакъоу, хэушъхьафыкIыгъэ дзэ операциер зырагъэжьагъэм къыщыублагъэу техникэ зэфэ­шъхьафэу, щыгъынэу, гъомылап­хъэу, нэмыкI пкъыгъохэу ящы­кIагъэу къаIорэ пстэури тонн мин 250-м ехъоу афядгъэщагъ. ШIушIэ IэпыIэгъум цIыфхэр, бизнесым пылъхэр, лъэкI зиIэхэр къыхэлажьэх.

ШIушIэ IэпыIэгъур джыри лъагъэкIотэщт, тидзэкIолIхэу хэу­шъхьафыкIыгъэ дзэ операцием хэлажьэхэрэм ящыкIагъэр зэкIэ арагъэгъотыным республикэм ипащэхэм анаIэ тырагъэты. Iэшъынэ Сусан.