Тиветеран лъапIэхэу Хэгъэгу зэошхом хэлэжьагъэхэр!

Адыгэ Республикэм щыпсэухэу лъытэныгъэ зыфэтшIыхэрэр!

Адыгеим нэмыц-фашист техакIохэр зырафыжьыгъэхэм ия 80-рэ илъэс фэшI тышъуфэгушIо!

1943-рэ илъэсым мэзаем и 18-р тиреспубликэ итарихъкIэ анахь мэхьанэшхо зиIэ мафэхэм зыкIэ ащыщ. Мы мафэм оккупацием къыхиубытэгъэ псэупIэхэм ащыщхэу Афыпсыпэрэ Псэйтыкурэ пыир адафыжьыгъ. Джащ тетэу Адыгеир шъхьафит хъужьыгъэ.

Оккупацием илъэхъан тичIыпIэгъу­хэм лIыхъужъныгъэу зэрахьагъэмрэ пытагъэу къахэфагъэмрэ егъашIэми тщыгъупшэщтхэп. А хъугъэ-шIагъэхэр, заом икъинхэр зыплIэIу тегъэкIагъэ хъугъэ цIыфхэм апэкIэкIыгъэр тыгу-хэм егъашIэм арылъыщт.

Непэ тидзэкIолIхэм, ахэм ятэхэмрэ ятэжъхэмрэ афэдэу, дунаир нацизмэм щаухъумэ. Хэгъэгу зэошхом илъэ­хъан ТекIоныгъэр къыдэзыхыгъэхэр Урысыем изэолIхэу ыкIи иофицерхэу хэушъхьафыкIыгъэ дзэ операцием хэлажьэхэрэм щысэ шIагъо афэ­хъух. Хэгъэгум ифедэхэр къаухъу­мэхэзэ, дзэкъулыкъушIэхэм лIыхъужъныгъэ зэрахьэ, Урысыем ищытхъурэ ыкIуачIэрэ агъэпытэ, хэгъэгум иухъу­макIохэм ялIэужыбэмэ хэбзэ шIагъоу яIэ хъугъэхэм зарагъэушъомбгъу.

ТичIыпIэгъу лъапIэхэр!

Адыгеир шъхьафит зыщыхъужьыгъэ мафэм ихэгъэунэфыкIын амал дэгъу къеты нэбгырэ пэпчъ заом идесэхэм ягупшысэнымкIэ, фашизмэм пэшIуе­кIорэ бэнэныгъэм къыщыдэтхыгъэ

ТекIоныгъэшхом мэхьанэу иIэр, ащ икIэуххэр зэфихьысыжьынхэмкIэ. Непэ хэгъэгум зышъхьамысыжьэу фэлэ­жьэрэ цIыфхэм, нацизмэм ышъхьэ ащ нахьыбэрэ къымыIэтыжьыным тегъэпсыхьэгъэ Iофыгъохэр зэшIозы­хыхэрэм инэу тафэраз.

ТилъэпIэ ветеранхэу ыкIи тылым Iоф щызышIагъэхэр, тыгу къыддеIэу зэкIэми тышъуфэлъаIо псауныгъэ пытэ шъуиIэнэу, бэгъашIэ шъухъунэу, рес­публикэм ис цIыф пстэуми щыIэкIэ- шIу яIэнэу, дунаир мамырэу щытынэу, ти Хэгъэгушхоу Урысыер джыри нахь зэтегъэпсыхьагъэ хъуным епхыгъэ гъэхъэгъакIэхэр шъушIынхэу!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр