Мыекъуапэ иадми­ни­страцие исайт къызэрихьагъэмкIэ, компаниеу «Газпром межрегионгаз» зы­фиIорэм и Адыгэ къутамэ пэщакIэ иIэ хъугъэ.

ПшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Газпром межрегионгаз Майкоп» идиректорхэм ясовет иунашъокIэ ЕкъутэкI Аслъан компанием игенеральнэ пащэу фашIыгъ. Газыр аIэкIэзыгъэхьэрэ шъолъыр компанием имызакъоу, Iахьзэхэлъ обществэу «Газпром газораспределение Майкоп» зыфиIорэми ар джы ипэщэщт.

Компаниехэм яIофышIэхэр пэщакIэм нэIуасэ фашIыгъэх. 2023-рэ илъэсым мэзаем и 13-м къыщыублагъэу пащэм ипшъэрылъхэр ыгъэцакIэу ригъэжьагъ.

Шъугу къэтэгъэкIыжьы 2018-рэ илъэсым иIоныгъо къыще­гъэжьагъэу Игорь Сырчиным компаниеу «Газпром межрегионгаз» зыфиIорэм и Мыекъопэ къутамэ пэщэныгъэ зэрэдызэрихьагъэр.