Тигъэзет къызэрэщыхэтыутыгъэу, Хэгъэгум иухъумакIо и Мафэрэ хэушъхьа­фы­кIы­гъэ дзэ опера­циер Украинэм зыща­ублагъэр илъэс зыщыхъурэмрэ яхъулIэу зэрэ­хэгъэгоу шIушIэ Iофтхьабзэхэр щыкIо­щтых. Cоциальнэ хъы­тыоу «ВКонтакте» зыфиIорэмкIэ зэхэщакIохэм къэтынхэр занкIэу рагъэкIокIыщтых. Ахэм шъуахэлэжьэнэу шъурагъэблагъэ.

АдыгеимкIэ мэзаем и 20-м пчэдыжьым сыхьатыр 11-м Адыгэ къэралыгъо университетым шIушIэ марафон щырекIокIыщт.

Урысые народнэ фронтым къырихьыжьэгъэ Iоф­тхьабзэу «ЗэкIэ ТекIоныгъэм пай!» зыфиIорэм изы Iахьэу ар щыт. ХэушъхьафыкIыгъэ дзэ опера­цием хэлажьэхэрэм IэпыIэгъу ятыгъэныр ыкIи шъхьафит ашIыжьыгъэ чIыпIэхэм ащыпсэухэрэм адеIэгъэныр ары гухэлъ шъхьаIэу а Iофтхьабзэм къы­дилъытэрэр.

Шъолъыр пэпчъ и QR-кодкIэ ахъщэр аугъоищт, «ЗэкIэ ТекIоныгъэм пай!» зыфиIорэ фондым исчет ахъщэр зыдагъэхьыщтыр. АщкIэ Адыгеим икIыгъэ дзэкъулыкъушIэхэм апае шъуашэхэр, Iэзэгъу уцхэр, щыгъын фабэхэр, квадрокоптерхэр ащэфыщтых.

«Адыгея. Проект «Все для Победы!» зыфиIорэ шIушIэ Iоф­тхьабзэм ипабликхэмрэ ТГ-каналымрэ, «Одноклассники», «ВКонтакте», Телеграм зыфиIохэрэмкIэ шъуакIатх.

Заом хэлажьэхэрэмрэ мамыр цIыфхэмрэ зэрэреспубликэу тадежъугъаI!