Урысыем щынэгъончъэнымкIэ и Федеральнэ къулыкъу Адыгэ Респуб­ликэмкIэ и ГъэIорышIапIэрэ Адыгэ Республикэм къэралыгъо щынэгъончъэнымкIэ икъулыкъухэм яветеранхэм я Советрэ лъэшэу гухэкI ащыхъугъ отставкэм щыIэгъэ подполковникэу Багъырыкъо Хьарун Иляс ыкъом идунай зэрихъожьыгъэр ыкIи щымыIэжьым иунагъорэ иIахьылхэмрэ афэтхьаусыхэх.

Бэрэ хьылъэу зэсымэджэ нэуж ыныбжь илъэс 76-м итэу Багъырыкъо Хьарун 2023-рэ илъэсым мэзаем и 9-м дунаим ехыжьыгъ.

1974-рэ илъэсым къыщегъэжьагъэу Багъырыкъо Хьарун Иляс ыкъом IэнэтIэ зэфэшъхьафхэр щынэгъончъэнымкIэ къулыкъухэм ащиIыгъыгъ. Пенсием зэкIо нэуж чанэу общественнэ Iофхэм ахэлэжьагъ, 2019-рэ илъэсым нэс Урысыем щынэгъончъэнымкIэ и Феде­ральнэ къулыкъу Адыгэ РеспубликэмкIэ и ГъэIорышIапIэ иветеранхэм я Совет ипэщагъ.

Илъэсыбэрэ щынэгъончъэнымкIэ къулыкъухэм ащылэжьэгъэ Багъырыкъо Хьарун мамырныгъэмрэ зыпкъитыныгъэмрэ Адыгэ Республикэм къыщыухъумэгъэнхэм, щынэгъончъагъэ щыIэным иIахьышхо ахишIыхьагъ.

ИIоф хэшIыкIышхо зэрэфыриIагъэм, зыфэгъэзэгъэ IофымкIэ пшъэдэкIыжь зэрихьырэр икъоу къызэрэгурыIощтыгъэм, цIыф шIагъоу, кIэщэкIошIоу зэ­рэщытыгъэм афэшI дэлэжьэгъэ пстэуми, ар зышIэщтыгъэхэми Багъырыкъо Хьарунэ лъытэныгъэшхо къыфашIыщтыгъ.

Урысыем щынэгъончъэнымкIэ и Федеральнэ къулыкъу Адыгэ Респуб­ликэмкIэ и ГъэIорышIапIэрэ Адыгэ Республикэм къэралыгъо щынэгъончъэнымкIэ икъулыкъу­хэм яветеранхэм я Советрэ.