Хэгъэгум иухъумакIо и Мафэрэ хэушъхьа­фы­кIы­гъэ дзэ опера­циер Украинэм зыща­ублагъэр илъэс зыщыхъурэмрэ яхъулIэу зэрэ­хэгъэгоу шIушIэ Iофтхьабзэхэр щыкIо­щтых. Ахэм язэхэщакIохэм социальнэ хъы­тыоу «ВКонтакте» зыфиIорэмкIэ къэтынхэр занкIэу рагъэкIокIыщтых. Шъуакъыхэлажь.

АдыгеимкIэ мэзаем и 21-м пчэдыжьым сыхьатыр 11-м Адыгэ къэралыгъо университетым Iофтхьабзэ щырекIокIыщт.

Урысые народнэ фронтым къырихьыжьэгъэ Iоф­тхьабзэу «ЗэкIэ ТекIоныгъэм пай!» зыфиIорэм изы Iахьэу щыт а шIушIэ марафоныр. ХэушъхьафыкIыгъэ дзэ операцием хэлажьэхэрэм IэпыIэгъу ятыгъэныр ыкIи шъхьафит ашIыжьыгъэ чIыпIэхэм ащыпсэухэрэм адеIэгъэныр ары гухэлъ шъхьаIэу а Iофтхьабзэм къы­дилъытэрэр.

Шъолъыр пэпчъ и QR-кодкIэ ахъщэр аугъоищт, «ЗэкIэ ТекIоныгъэм пай!» зыфиIорэ фондым исчет ахъщэр зыдагъэхьыщтыр. АщкIэ Адыгеим икIыгъэ дзэкъулыкъушIэхэм апае шъуашэхэр, Iэзэгъу уцхэр, щыгъын фабэхэр, квадрокоптерхэр ащэфыщтых.

«Адыгея. Проект «Все для Победы!» зыфиIорэ шIушIэ Iоф­тхьабзэм ипабликхэмрэ ТГ-каналымрэ, «Одноклассники», «ВКонтакте», Телеграм зыфиIохэрэмкIэ шъуакIатх. Заом хэлажьэхэрэмрэ мамыр цIыфхэмрэ зэрэреспубликэу тадежъугъаI!