Зэфэхьысыжьхэр къэнэфагъэх
Мыекъопэ къэралыгъо технологическэ университетым щеджэрэ студентхэм яшIэныгъэ-ушэтын IофшIэн хагъэхъоным ыкIи анахь дэгъухэр къыхэгъэщыгъэнхэм афэшI ректорым ыгъэнэфэгъэ грантхэр илъэс къэс афагъэшъуашэ.
Урысые наукэм и Мафэ ехъулIэу текIоныгъэ къыдэзыхыгъэхэр агъэшIуагъэх. МэфэкI Iофтхьабзэм Мые-къопэ къэралыгъо технологическэ университетым иректорэу Къуижъ Саидэ хэлэжьагъ. Iофтхьабзэм къекIолIагъэхэм ащ шIуфэс къарихыгъ ыкIи мэфэкIымкIэ къафэгушIуагъ. Нэужым зиIофшIэн анахь дэгъоу алъытагъэхэр къыIуагъэх.
«Технические науки» зыфиIорэ лъэныкъомкIэ аграрнэ технологиехэмкIэ факультетым истуденткэу Къудайнэт Саидэ текIоныгъэр къыдихыгъ. Ащ инаучнэ пащэр техническэ шIэныгъэхэмкIэ докторэу Хьаткъо Зурет.
«Медицинские науки» зыфиIорэмкIэ Денис Шишкаловым иIофшIэн анахь дэгъоу алъытагъ, научнэ пащэу игъусагъэр фармацие кафедрэм икIэлэегъэ- джэ шъхьаIэу Вера Артемьевар ары.
«Естественные науки» зыфиIорэ лъэныкъомкIэ аграрнэ технологиехэмкIэ факультетым истудентэу Левани Кацаравы ыгъэхьазырыгъэ проектым текIоныгъэр къыдихыгъ, научнэ пащэу иIагъэр мэкъумэщ шIэныгъэхэмкIэ кандидатэу Дэгужъые Зар.