Адыгэ Республикэм икомандэу «Динамо-МГТУ-м» идэкIыгъо ешIэгъухэр къалэу Тобольскэ щыкIуагъэх. Урысые чемпионатым иапшъэрэ лигэ изэнэкъокъухэм къадыхэлъытагъэу чIыпIэ командэу «Нефтехимик» зыфиIорэм гъогогъуитIо IукIагъ.

ЕшIэгъуитIур зэфэдагъэхэп. Апэрэм тикомандэ амалэу Iэ­кIэлъыр зэкIэ дэгъоу къыщигъэлъэгъуагъ. Андрей Синельниковым ыгъэсэрэ тиспортсменхэм текIоныгъэр къыдахыгъ, пчъа­гъэр 82:64 (21 — 9, 16 — 23, 21 — 17, 24 — 15). ЯтIонэрэ зэIу­кIэгъур «Динамо-МГТУ-м» нахь къин къыщыхъугъ, бысымхэм текIоныгъэр къыдахыгъ, пчъа­гъэр 82:64 (18 — 17, 25 — 22, 30 — 6, 14 — 8). Ау мыщ дэжьым къыхэ­гъэщыгъэн фае тикомандэ иешIэ­кIо шъхьаIэхэм ащыщэу нэбгырищ зэIукIэгъум зэрэ­хэмылэжьа­гъэхэр.

Апэрэ едзыгъом къыдыхэ­лъытэгъэ аужырэ ешIэгъухэр «Динамо-МГТУ-м» Мыекъуапэ щыриIэщтых. Мэзаем и 21 — 22-м Чебоксары, мэзаем и 24 — 25-м Казань якомандэхэм аIукIэщт. ЧIыпIэу зыдэщытхэр ыкIи очко пчъагъэу рагъэкъугъэр:

1. «БАРС-РГЭУ» (Рос­тов-на-Дону) — 43, 2. «Челбаскет» (Челябинск) — 40, 3. «Динамо-МГТУ» (Мыекъуапэ) — 39, 4. «Нефтехимик» (Тобольск) — 36, 5. «Металлург» (Магнитогорск) — 35, 6. «Южный слон» (Ставрополь) — 33, 7. «Чебоксарские ястребы» (Чебоксары) — 30, 8. «РПФ-Университет спорта» (Казань) — 25.