Росгвардием иофицер Урысыем идонор гъэшIуагъэ зэрэхъугъэр къэзыушыхьатырэ тхылъыр ыкIи бгъэхалъхьэр АР-м лъыр зыщатырэ станцием иIофышIэхэм ратыжьыгъ. Росгвардием и ГъэIорышIапIэу АР-м щыIэм икъулыкъушIэу, полицием илейтенантэу Жакъэ Заур 2017-рэ илъэсым донорхэм ясатыр хэхьагъ, ащ къыщегъэжьагъэу гъогогъу 45-рэ фэдизрэ лъы литрэ 20-м ехъу ытыгъ. — Анахь шъхьаIэр, апэрэ лъэбэкъур пшIыныр ары. Зыгорэм ищыIэныгъэ къэбгъэнэжьын зэрэплъэкIыщтыр къыбгурыIозэ, лъыр зищыкIагъэм ептыным мэхьанэшхо есэты, — къыIуагъ Заур.