Адыгэ Республикэмрэ Краснодар краим­рэ ащыпсэурэ быслъымэнхэм я ДиндэлэжьапIэ макъэ къегъэIу Тыркуемрэ Шамрэ чIыгур къызащэсысым зэрар зы­хьыгъэхэм апае ахъщэ зэраугъоирэмкIэ.

Адыгэ Республикэмрэ Краснодар краимрэ арыт мэщыт пстэуми мы илъэсым мэзаем и 10-м ыкIи и 17-м ахъщэр ащаугъоищт. Ащ нэмыкIэу зышIоигъохэм ахъщэр мыщ фэдэ картэм рагъэхьан алъэкIыщт: 5469 3020 0197 1574 Ибрагим Батмизович Ш.

2023-рэ илъэсым мэзаем и 19-м сыхьатыр 18-м нэс ахъщэм иугъоин кIощт.

Шъугу къэтэгъэкIыжьы: Тыркуемрэ Шамрэ якъэ­лабэхэм, ахэм къахиубытагъэх адыгэхэр нахьыбэу зыщыпсэухэрэ чIыпIэхэри, мэзаем и 6-м чIыгур лъэшэу къащысысыгъ. Ащ къыхэкIэу нэбгырэ шъэ пчъагъэ хэкIодагъ, мин пчъагъэмэ зэрар ахьыгъ ыкIи бгъагъэ ямыIэжьэу къэнагъэх.