Адыгэ къэралыгъо университетым щеджэрэ пшъашъэхэм псыхъоу Шъхьэгуащэ инэпкъ шIыхьаф щызэхащэгъагъ.

Софья Лысенкэр, Дарья Кухлеевар ыкIи Алина Хаи­ловар ары зигугъу тшIырэр. Мыекъуапэ ирайонэу «Шовгеновский городоккIэ» заджэхэрэм ылъэныкъокIэ щыIэ нэпкъым зыщызгъэпсэфыгъэ­хэм хэкIэу къыIуанагъэр ахэм къаугъоигъ. А мэфэ дэдэм шъолъыр операторым дзыохэр полигоным ыщагъэх.

— Жьы къабзэ къэт­щэнэу мы чIыпIэм тыкъы­зэкIом лъэшэу зэраушIои­гъэр тлъэгъугъ. КъыкIэ­лъыкIорэ мафэм шIыхьаф цIыкIур зэхэтщагъ. Къызэ­рэдгъэкъэбзагъэм тапэкIи тетынэу тыщэгугъы, тэри тылъыплъэщт, — къы­Iуагъ Софья Лысенкэм.

Игъом хэкIыр дэщыгъэ хъуным фэшI шIыхьаф зэ­хэзыщэмэ зышIоигъохэм пэшIорыгъэшъэу макъэ къагъэIунэу «ЭкоЦентрэр» къялъэIу. Ащ пае мы телефонымкIэ шъукъытеомэ хъущт: 8-962-868-14-62.

ООО-у «ЭкоЦентрэм» и Адыгэ шъолъыр къутамэ ипресс-къулыкъу.