БлэкIыгъэ тхьамафэм, щылэ мазэм и 30-м къыщыублагъэу мэзаем и 3-м нэс, Урысые политическэ партиеу «Единэ Россием» иобщественнэ приемнэ социальнэ IэпыIэгъу зищыкIэгъэ цIыфхэр рагъэблэгъагъэх.

АР-м и Къэралыгъо Совет — Хасэм ипресс-къулыкъу тызэрэщигъэгъозагъэмкIэ, Парламентым и Тхьаматэу Владимир Нарожнэмрэ ащ игуадзэу Цэй Эдуардрэ Iофтхьабзэм хэлэжьагъэх.

ЦIыфхэм Iофыгъоу къаIэтыгъэхэр зэфэшъхьафых. ПсэупIэхэм ягъэфэбэн, ягъэцэкIэжьын, къоджэ клубым шъуашэхэр зэрищыкIагъэхэм, нэмыкIыбэм ахэр афэгъэхьыгъэх.

Владимир Нарожнэм исоциальнэ интернет нэкIубгъо къызэрэритхагъэмкIэ, ахэм ядэгъэзыжьын Мые­къопэ къэлэ администрациер, военкоматыр, АР-м IофшIэнымкIэ ыкIи социальнэ хэхъоныгъэмкIэ и Министерствэ, Парламентым идепутатхэм ащыщхэр къыхэлажьэх. Iофыгъохэм ядэгъэзыжьын зэрэлъыкIуа­тэрэм ежь ышъхьэкIэ лъыплъэщт, цIыфэу закъыфэзыгъэзагъэхэм зэпхыныгъэ адыриIэщт.