Урысые Федерацием и УIэшыгъэ КIуачIэхэм зэрадырагъаштэрэм ишыхьатэу щылэ мазэм и 10-м къыщыублагъэу мэзаем и 23-м нэс Адыгеим щыкIощт зэрэ Урысыеу къызыхиубытэщт Iофтхьабзэу «Теп­ло для героя» зыфиIорэр.

Къалэу Мыекъуапэ дэсхэм хэушъхьафыкIыгъэ дзэ опе­рацием хэлажьэхэрэм апае цылъэпэди 100-м ехъу ахъэщт. Адыгеим и «НыбжьыкIэ гвардие» хэтхэмрэ тинахьыжъхэмрэ а Iофым чанэу къыхэлажьэхэу рагъэжьагъ.

«Урысыем идзэкъулыкъу­шIэхэм агу къэIэтыгъэным фы­тегъэпсыхьэгъэ гущыIэхэр зэрыт письмэхэри а шIухьафтын фэбэ цIыкIухэм Хэгъэгум иухъумакIо и Мафэ ехъулIэу гъусэ афашIыжьхэми лъэшэу ягопэщт.

УпчIэ горэ шъуиIэ хъумэ, мыщ фэдэ чIыпIэм къыщы­шъуфызэхафыщт: къ. Мыекъуа­пэ, ур. Краснооктябрьскэр, 4 (партиеу «Единэ Россием» и Тхьаматэ иприемнэ), джащ фэдэу «НыбжьыкIэ гвардием» иштаб). Хьазыр хъугъэ шIу­хьаф­тынхэр а чIыпIэм къе­шъухьылIэхэмэ, заом Iутхэм псынкIэу аIэкIагъэхьащтых. Ащ нэмыкIэу Донбассрэ шъхьафит ашIыжьыгъэ чIыпIэхэмрэ ащы­псэухэрэми шIушIэ IэпыIэгъур афаугъои. Партиеу «Единэ Россием» ипрограммэ ираздел хэушъхьафыкIыгъэ ащ фэдэ IэпыIэгъур къыщыдэлъытагъэу щыт. Партием и Адыгэ шъо­лъыр къутамэ исекретари ар гъэцэ­кIагъэ хъуным ренэу ына­Iэты­регъэты», — къыIотагъ федеральнэ партийнэ проектэу «Ти­нахьыжъхэр» зыфиIорэм игъэцэкIэн фэгъэ­за­гъэу, партиеу «Единэ Россием» и Генеральнэ совет хэтэу, Адыгеим и «НыбжьыкIэ гвардие» ипащэу Бэрзэдж Асиет.

Урысые Iофтхьабзэу «Тепло для героя» зыфиIорэр пар­тием ипроектэу «Тина­хьыжъхэр» зы­цIэм диштэу агъэ­цакIэ.