Охътэ гъэнэфагъэкIэ къызэтырагъэуцуагъ
2023-рэ илъэсым мэзаем и 2-м къыщегъэжьагъэу кощын IофхэмкIэ подразделениехэм УФ-м ицIыфхэу электроннэ шIыкIэмкIэ IэкIыбым щагъэфедэрэ паспортыкIэр зышIы зышIоигъохэм охътэ гъэнэфагъэкIэ ар къафызэтырагъэуцуагъ.
«Техническэ ушъхьагъухэм къапкъырыкIыхэзэ, 2023-рэ илъэсым мэзаем и 2-м къыщыублагъэу кощын IофхэмкIэ МВД-м иподразделением мыщ фэдэ унашъо ышIыгъ. Мы мафэхэм яхъулIэу ащ фэдэ паспортыр зыгъэпсы зышIоигъохэу мыщ ыпэкIэ лъэIу тхылъхэр зытыгъэхэм къэралыгъо хьакъулахьыр затыкIэ илъэси 5 пIалъэ иIэу IэкIыбым щагъэфедэрэ паспортыжъхэр охътэ кIэкIым къаратыщтых. Электроннэ шIыкIэмкIэ паспортыр агъэпсынэу фэмыежьхэм къэралыгъо хьакъулахьым къафырагъэгъэзэжьыщт.
«Мы лъэныкъомкIэ упчIэ зиIэхэр кощын IофхэмкIэ подразделением зыфагъэзэн алъэкIыщт. Паспортым игъэпсынкIэ лъэIу тхылъ зытыгъэхэм яфэIо-фашIэхэр дэх имыIэу афагъэцэкIэщтых, ар хьазыр зэрэхъугъэм тетэу цIыфым макъэ рагъэIущт», — къыIуагъ Урысыем хэгъэгу кIоцI IофхэмкIэ и Министерствэ иофициальнэ лIыкIоу Ирина Волк.