НыбжьыкIэхэм япIуныгъ
Росгвардием и ГъэIорышIапIэу Адыгэ Республикэм щыIэм ихэушъхьафыкIыгъэ отряд иофицер УФ-м зыкъэухъумэжьынымкIэ и Министерствэ идзэкъулыкъушIэу, полицием истаршэ лейтенантэу Александр Л.-р игъусэу Мыекъопэ районым гъэсэныгъэ зыщарагъэгъотырэ гупчэу иIэм щыIагъэх, кIэлэеджакIохэм лIыхъужъныгъэм идесэ афызэхащэгъагъ.
АдыгеимкIэ хэушъхьафыкIыгъэ отрядым итарихъ фэгъэхьыгъэу, джащ фэдэу пшъэрылъэу зэшIуихыхэрэм яхьылIагъэу кIэлэцIыкIухэм къафаIотагъ, хэушъхьафыкIыгъэ дзэ операцием хэлэжьэрэ зэолIхэм къаIэкIагъэхьэрэ письмэхэмрэ сурэтхэмрэ апае зэрафэразэхэр хьакIэхэм къаIуагъ.
Ащ нэужым кIэлэеджакIохэм къафагъэлъэгъуагъэх лъэпкъ гвардием идзэхэм агъэфедэрэ Iэшэ-шъуашэхэр.
«ХэушъхьафыкIыгъэ дзэ операцием Урысыем идзэкIолIхэм лIыхъужъныгъэу щызэрахьэрэр щысэхэмкIэ кIэлэцIыкIухэм къафэтIотагъ. УпчIабэ ахэм къатыгъ ыкIи джэуап гъэшIэгъонхэр зэхахыгъэх», — къыIуагъ полицием истаршэ лейтенантэу Александр Л.-м.