2023-рэ илъэсыр къызихьагъэм къыщыублагъэу Адыгэ Республикэм игъогухэм хъугъэ-шIэгъэ 33-рэ къатехъухьагъэу агъэунэфыгъ, блэкIыгъэ илъэсым егъэпшагъэмэ, мы пчъагъэр процент 37,5-кIэ нахьыб.

Ахэм зы нэбгырэ ахэкIодагъ, нэбгырэ 11-мэ шъобжхэр атещагъэхэ хъугъэ. ЛъэсрыкIохэр зыхэфэгъэ хъугъэ-шIагъэу гъогухэм къатехъухьэхэрэм япчъа­гъэ уимыгъэгумэкIын плъэкIырэп. Мы илъэсыр къызихьагъэм къыщыублагъэу ахэм афэдэ хъугъэ-шIэгъи 7 агъэунэфыгъ, нэбгыри 7-мэ шъобжхэр атещагъэхэ хъугъэ.

ГъогурыкIоныр щынэгъончъэу щытыным, гъогухэм къатехъу­хьэрэ хъугъэ-шIагъэхэр нахь макIэ шIыгъэнхэм, водительхэмрэ лъэсрыкIохэмрэ Iэдэб ахэлъэу гъогум щызекIонхэм, кIэлэцIыкIухэм шъобжхэр атещагъэ мыхъунхэм ыкIи зы­ныбжь имыкъугъэхэр щынэгъон­чъэу къыращэкIынхэм апае щылэ мазэм и 30-м къыщегъэжьа­гъэу мэзаем и 5-м нэс АР-м гъогурыкIоныр щынэгъончъэнымкIэ и Къэралыгъо инспекцие кIэщакIо зыфэхъугъэ пэшIоры­гъэшъ Iофтхьабзэхэу «ЛъэсрыкIу», «ЛъэсрыкIо зэпырыкIыпI» зыфиIохэрэр тишъолъыр щэкIох.

Гъогу-патруль къулыкъум иIофышIэхэр лъэсрыкIохэр нахьыбэу зыщызекIохэрэ чIыпIэхэм къулыкъур ащахьы, гъо­гурыкIоным ишапхъэхэр зыукъо­хэрэ водительхэм, анахьэу лъэсрыкIохэм алъэплъэх.

Джащ фэдэу гъогурыкIоным ишапхъэхэр амыукъонхэм, гъо­гум шъхьэкIафэ ыкIи сакъыныгъэ къыщызхагъэфэным япхыгъэу къулыкъушIэхэм лъэсрыкIохэмрэ водительхэмрэ къагъэ­уцухэзэ зэдэгущыIэгъухэр ада­шIых.

ГъогурыкIоным ишапхъэхэр шъумыукъонхэу Адыгэ Респуб­ликэм и Къэралыгъо автоинспекцие икъулыкъушIэхэр къы­шъоджэх. ШъуищыIэныгъэ нахь лъапIэ зэрэщымыIэр зыщышъу­мыгъэгъупш.

Полицием имайорэу ЛIыунэе Т.К.