КIэлэцIыкIу театрэм регъэблагъэх
Адыгэ Республикэм и Къэралыгъо филармоние инысхъэпэ театрэу «Дышъэ къошыным» икъэгъэлъэгъон гъэшIэгъонхэр Мыекъуапэ щэкIох.
Спектаклэу «Клочки по закоулочкам» зыфиIоу Григорий Остер ипьесэ техыгъэм икъэгъэлъэгъон мы илъэсым мэзаем и 12-м сыхьатыр 12-м рагъэжьэщт.
2023-рэ илъэсым мэзаем и 19-м сыхьатыр 12-м Татьяна Сучковам ипьесэ техыгъэ спектаклэу «Сказ о маленьком трубаче» зыфиIорэр нысхъэпэ театрэм изал цIыкIу къыщагъэлъэгъощт.
Джащ фэдэу ныбжьыкIэ цIыкIухэр мэзаем и 26-м сыхьатыр 12-м Сергей Козулиным ипьесэ техыгъэ спектаклэу «Лешка и звезда» зыфиIорэм еплъынхэ алъэкIыщт.
Урысые политическэ партиеу «Единэ Россием» ипроектэу «Культура малой Родины» зыфиIорэм ипхырыщын къыдыхэлъытагъэу «Театрэр кIэлэцIыкIухэм апай» зыфиIорэ лъэныкъомкIэ мы спектаклэхэр агъэуцугъэх.
Билетхэр кассэм е АР-м и Къэралыгъо филармоние исайт къыщащэфынхэ ыкIи программэу «Пушкинская карта» зыфиIорэмкIэ зэрагъэгъотынхэ алъэкIыщт.