Мыекъуапэ шъхьафит зашIыжьыгъэм фэгъэхьыгъэу
Нэмыц-фашист техакIохэр Мыекъуапэ зыдафыжьыгъэхэр илъэс 80 зэрэхъугъэр щылэ мазэм и 29-м хагъэунэфыкIыгъ.
Илъэсныкъом ехъу — 1942-рэ илъэсым шышъхьэIум и 9-м къыщегъэжьагъэу 1943-рэ илъэсым щылэ мазэм и 29-м нэс нэмыцхэм къалэр аIыгъыгъ. Мы хъугъэ-шIэгъэшхом фэгъэхьыгъэу Мыекъуапэ Iофтхьэбзэ заулэ щызэрахьагъ. Ахэм зэу ащыщ къэгъагъэхэр мемориалым зэрэкIэралъхьагъэхэр.
— Мыщ фэдэ мафэм ячIыгу гупсэ пыир изыфыжьызэ фэхыгъэхэр, партизанхэу, дзэкIолIхэу къалэхэмрэ къуаджэхэмрэ фашистхэр адэзыфыжьыгъэхэр тыгу къэтэгъэкIыжьых, — къыIуагъ Адыгеим и ЛIышъхьэу КъумпIыл Мурат.