Пыдзэфэ пытэхэм апае шъолъыр операторым контейнерэу Адыгеим щигъэуцугъэхэм зыщыщ амышIэхэрэм акIагъанэу бэрэ къыхэкIы. Мы мафэхэм ащ фэдэ бзэджэшIагъэхэр Мыекъуапэрэ къутырэу Гавердовскэмрэ ащагъэунэфыгъэх. МэшIогъэкIуасэхэм гъого­гъуитIумкIи агъэкIосэжьыгъэх, ау контейнерхэр бгъэфедэнхэ умылъэкIыжьынхэу хъугъэ. Ащ изакъоп тызгъэгумэкIырэр, цIыфхэр благъэу зыпэIусхэ чIыпIэм машIоу щыпшIырэм щынагъо къызэритырэри къы­хэдгъэщымэ тшIоигъу. ИкIыгъэ илъэсым бак 20 бзэджашIэхэм республикэм ща­гъэкIодыгъ. НахьыбэрэмкIэ акIа­гъэнагъ, ау гъэрекIорэ гъат­хэм Мыекъуапэ имэз-парк чIы­пIэхэм ащыщ шъолъыр операторым щигъэуцугъэ бакыр псым хадзагъ. «ЭкоЦентрэм» шъугу къегъэ­кIыжьы, контейнерхэр пыдзэфэ пытэхэм яугъоин пай. Пкъы­гъоу къызкIэнагъэр е псынкIэу къыз­кIэнэн ылъэкIыщтхэр ахэм ары­шъудзэхэ хъущтэп. Ащ фэдэ мыхъо-мышIагъэхэр зэрамыхьанхэу, контейнерхэм афэсакъынхэу зэкIэми компаниер къялъэIу. ООО-у «ЭкоЦентрэм» и Адыгэ шъолъыр къутамэ ипресс-къулыкъу