Росгвардием и ГъэIорышIапIэу Адыгэ Республикэм щыIэм икъулыкъушIэхэм Хэгъэгу зэошхом илъэхъан къыщыу­благъэу чIым хэлъыгъэ лагъымэр къа­гъэуагъ.

Тэхъутэмыкъое районым щыщ горэм псыхъоу Пшызэ къыщигъотыгъэ лагъымэр ГъэIоры­шIапIэм иподразделениеу ОМОН-м икупэу «Фишт» зыфиIорэм зыфэдэр зэ­ригъэшIагъ.

Росгвардием икъулы­къушIэхэм зэрагъэунэ­фыгъэмкIэ, къагъотыгъэ пкъыгъоу миллиметрэ 50 зикIыхьагъэр заом илъэ­хъан агъэфедэщтыгъэ ла­гъымэр ары.

Щынэгъончъэным ишап­хъэхэр зэкIэ агъэцакIэхэзэ къулыкъушIэхэм ла­гъымэр хэушъхьафыкIыгъэ чIыпIэм ащи, къыщагъэуагъ.

Росгвардием икъулы­къушIэхэм цIыфхэм за­къыфагъазэ зэгуцэфэхэрэ пкъыгъо горэ къагъотымэ псынкIэу хэбзэухъу­мэкIо къулыкъухэм макъэ арагъэIунэу. Зикъэбар шъумышIэрэ пкъыгъом шъунэмыс ыкIи ар къэ­шъуIэтэу нэмыкI чIыпIэм шъумыгъэкощ.