Пыдзэфэ пытэхэм ядэщын фэгъэзэгъэ шъолъыр операторым «илиние плъыр» 2022-рэ илъэсым цIыфхэр къызэрэтеуагъэхэм ипчъагъэ зэфихьысыжьыгъ.

ГъэрекIо кол-гупчэм иномерэу 8-800-707-05- 08-м гъогогъу 7313-рэ республикэм щыпсэухэрэр къытеуагъэх. Ащ ыпэ­рэ 2021-рэ илъэсым зэра­гъэфедагъэм нахьи процент 23,4-кIэ ар нахь макI. Лицевой счетым зэхъокIыныгъэхэр фэ­шIыгъэнхэм, хэкIым идэщын зэрагъэцакIэрэм, ащ ыуасэ онлайн шIыкIэм тетэу зэрэптыщтым япхыгъэ Iофхэр ары анахьэу цIыфхэр зыгъэгумэкIы­гъэхэр.

— Ащ фэдэу къыт­фытеохэу яеплъыкIэхэр, зымыгъэразэхэрэр, зы­гъэразэхэрэр къызэрэтаIохэрэм, упчIэхэмкIэ зыкъызэрэтфагъазэрэм ишIуагъэкIэ пыдзафэхэм ядэщынкIэ Iофхэм язытет тылъыплъэн, щыкIагъэхэр дэдгъэзыжьынхэ тэлъэкIы. ЩыкIагъэ имыIэу тиIоф­шIэн лъыкIотэнэу тэри ты­фай, — къыIуагъ «ЭкоЦентрэм» и Адыгэ шъо­лъыр къутамэ ипащэу Алыбэрд Налбый.

2023-рэ илъэсыкIэу къихьагъэми кол-гупчэм иIофшIэн лъегъэкIуатэ. Щылэ мазэм и 1-м къыщыублагъэу нэбгырэ 290-м ехъу ащ къытеуагъ.

ООО-у «ЭкоЦент­рэм» и Адыгэ шъолъыр къутамэ ипресс-къулыкъу.