Къулыкъум нэIуасэ фашIыгъэх
Адыгэ къэралыгъо университетым и Мыекъопэ къэралыгъо гуманитар-техническэ колледжрэ хьыкум приставхэм я Федеральнэ къулыкъу АдыгеимкIэ и ГъэIорышIапIэрэ зэзэгъыныгъэу зэдашIыгъэм диштэу «ХэбзэухъумэкIо IофшIэныр» зыфиIорэ сэнэхьатыр къыхэзыхыгъэ студентхэм апае зэIукIэгъу-зэдэгущыIэгъу рагъэкIокIыгъ. Я IV-рэ курсым ис ныбжьыкIэхэр ащ рагъэблэгъагъэх.
ГъэIорышIапIэм практикэр щызыхьынэу къэкIогъэ студентхэр хьыкум приставхэм якъулыкъу Iофэу ышIэрэм, ащ пшъэрылъэу ыпашъхьэ щытхэм нэIуасэ афашIыгъэх. Ащ фэгъэхьыгъэу къэгущыIагъ оперативнэ дежурствэм иотделение ипащэу Къэлэшъэо Аскар.
Нэужым ГъэIорышIапIэр зычIэт къулыкъушIэ унэр ныбжьыкIэхэм къаплъыхьан амал яIагъ. Ащ чIэт щэрыуапIэр ыкIи спортзалыр зэрагъэлъэгъугъэх, мы сэнэхьатым ишъэфхэр студентхэм къафаIотагъ.
Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.