«АГУ-Адыиф» Мыекъуапэ — «Ставрополье» Ставрополь — 30:31 (17:15). Щылэ мазэм и 16-м спорт Унэшхоу Кобл Якъубэ ыцIэ зыхьырэм щызэдешIагъэх.

«АГУ-Адыиф»: къэлэпчъэIутхэр: Якупова, Баскакова; ешIа­кIохэр: Къэбж Зарем — 11, Краснокутская, Никулина — 2, Колодяжная — 1, Морозова — 2, Вигуржинская — 4, Ку­цевалова, Казиханова, Голунова — 3, Дворцевая — 4, Краснова, Кожубекова — 3. «Ставпрополье»: Болоба — 10, Меседова — 7.

ЕшIэгъур зырагъажьэм, «Адыи­фым» тигъэгугъэщтыгъ: 3:0, 13:6, 16:12. Я 38-рэ такъикъым 19:19 пчъагъэр хъугъэ. Я 50-рэ такъи­къым С. Морозовам хъагъэм Iэгуаор редзэ — 25:25. Я 56-рэ такъикъым С. Морозовам пчъагъэм хегъахъо — 29:28. З. Къэ­б­жым пенальтикIэ пчъагъэм хе­гъахъо — 30:29.

Гандболыр футболым фэдэп, ешIэгъум пчъагъэр псынкIэу ­щы­зэблахъу. Такъикъи 3 фэ­диз къэ­нагъэу Э. Сивоваловам пчъа­гъэр 30:30 ышIыжьыгъ. В. Бигужинскаям ти­командэ икъэ­лапчъэ Iэгуаор къыдедзэ — 30:31.

ТиешIакIохэр апэкIэ илъыгъэх. Е. Голуновар ешIапIэм тефэзэ къэлапчъэм Iэгуаор дидзэн ылъэ­кIыгъэп — къэлэпчъэпкъым Iэ­гуаор тырегъафэ. «Адыифыр» ыпэкIэ илъыгъэу ешIэгъу уахътэр аухыгъ.

— «Адыифыр» дэгъоу ешIагъ, ау хъагъэм Iэгуаор рамыдзэу бэрэ къыхэкIыгъ. ЕшIэгъур къэтхьын фэягъ», — къытиIуагъ «Адыифым» итренер шъхьаIэу Александр Реввэ.

ЗэхэщакIохэм «Адыифым» ешIэкIо анахь дэгъоу къыхахы-гъэр Къэбж Зарем.

ЗэIукIэгъухэр

«Балтийская заря» — «Луч» — 23:37, ЦСКА — «Феникс» — 33:24, «Кубань» — «Ростов-Дон» — 26:31, «Динамо» — «Университет» — 24:24, «Астраханочка» — «Лада» — 31:23.

Зэтэгъапшэх

1. ЦСКА — 44 2. «Ростов-Дон» — 36 3. «Астраханочка» — 36 4. «Лада» — 31 5. «Звезда» — 28 6. «Кубань» — 22 7. «Динамо» — 22 8. «Ставрополье» — 18 9. «Университет» — 17 10. «Феникс» — 12 11. «Луч» — 6 12. «АГУ-Адыиф» — 5 13. «Балтийская заря» — 2.

«Адыифыр» щылэ мазэм и 18-м «Ростов-Доным» Мыекъуапэ щыIукIэщт. «Ростов-Доным» икъэлэпчъэIутэу, Олимпиадэ джэ­гунхэм ячемпионэу Виктория Калининар Мыекъуапэ щыщ.