ИлъэсыкIэ мэфэкI мафэу кIуагъэхэм шъолъыр опера­торым зэпыу имыIэу Iоф ышIагъ. Техникэ зэфэшъхьаф 65-мэ пыдзэфэ кубометрэ мин 23-рэ дащыгъ.

— ИлъэсыкIэ зыгъэ­псэфыгъо мафэхэм сы­дигъокIи хэкIыр нахьыбэ мэхъу, — къыIуагъ ООО-у «ЭкоЦентрэм» и Адыгэ шъолъыр къутамэ ипащэу Алыбэрд Налбый. — Ау 2023-рэ илъэсым иапэрэ мафэхэр ащ фэ­дагъэхэп: гъэрекIо мыщ фэдэ иуахътэ егъэпша­гъэмэ, илъэсыкIэу къи­хьагъэм иапэрэ мафэхэм пыдзафэу дащыгъэр а пчъагъэм фэдиз пIоми ухэукъощтэп (тонн мини 3-м кIахьэ). Хэушъхьа­фыкIыгъэ чIыпIэхэм пы­дзафэхэр ащаратэкъун зэ­рэфаем цIыфхэм екIо­лIакIэу фыряIэр бэкIэ на­хьышIу зэрэхъугъэр на­фэ ыкIи ащ лъэшэу тегъэгушIо.

Ащ имызакъоу, мэфэкI мафэхэм диспетчер къулыкъум ыкIи шъолъыр операторым икол-гупчэ зэпымыоу Iоф ашIагъ, цIыфэу къытеохэрэм яуп­чIэхэм джэуапхэр аратыжьыгъэх.

ООО-у «ЭкоЦент­рэм» и Адыгэ шъо­лъыр къутамэ ипресс-къулыкъу.