Тэхъутэмыкъуае дэт хъызмэтшIапIэу ООО-у «Новатек» зыцIэр Адыгэ Республикэм и Гупчэу «Мой Бизнес» зы­фиIорэм дэлэжьэрэ компаниехэм ащыщ.

Мызэу, мытIоу Гупчэм мы хъызмэтшIапIэм ишIуа­гъэ ригъэкIыгъ.

Бизнес гукъэкIэу иIэхэр ыгъэцэкIэжьхэзэ, непэ ащ телевизорхэр къыдигъэ­кIыхэу ыкIи IуигъэкIы­хэу ыублагъ. АщкIэ IэкIыб къэралхэм къаращырэ товархэм язэблэхъун фэгъэхьыгъэ Iоф­тхьабзэу хэ­гъэгум щырекIокIырэм хъыз­мэтшIапIэр хэлажьэ.

— ЦIыфхэм анахьэу ящыкIагъэр зэригъашIэзэ, Iэмэ-псымэ анахь дэгъу­хэр зэриIэр къызфигъэфедэзэ ООО-у «Новатек» зыцIэ компаниер сатыу бэ­дзэрым щынэкъокъон ыкIи ипродукцие къыщигъэлъэгъон елъэкIы, мызыгъэгум телевизорхэр зэрэпсаоу Адыгэ Респуб­ликэм щаугъоищтых, — къаIотагъ Гупчэу «Мой Бизнес» зыфиIорэм иIофышIэхэм.

ЗэрыгыкIэхэрэ маши­нэхэу бюджет классыцIэ зиIэхэри мы хъызмэтшIапIэм къыщашIых. Компанием пшъэрылъэу иIэр цIыфхэм анахь ящыкIэгъэ продукциеу Iэрыфэгъу афэхъурэм икъыдэгъэ­кIын дэлэжьэгъэныр ары.