Следственнэ комитетым иIофышIэхэу ыкIи иветеранхэу лъытэныгъэ зыфэтшIыхэрэр!

Урысые Федерацием и Следственнэ комитет зыщызэхащэгъэ Мафэм фэшI гуфэбэныгъэ хэлъэу тышъуфэгушIо!

ПшъэдэкIыжь зыхэлъ къулыкъу пшъэрылъхэр агъэцакIэхэзэ, комитетым иIофышIэхэм цIыфым ишъхьафитыныгъэрэ ифитыныгъэхэмрэ къаухъумэх, хэбзэгъэуцугъэу щыIэр, тиреспубликэ ищынэгъончъагъэ укъуагъэ мыхъунхэм анаIэ тырагъэты, ащ хэхъоныгъэ ышIынымкIэ амалэу щыIэхэр къагъэгъунэх.

Шъуикъулыкъу пшъэрылъ хьылъэхэр дэгъоу жъугъэцакIэхэзэ, блэнагъэ шъухэлъэу, шъукъызэкIэмыкIоу къышъутефэрэр зэкIэ шъошIэ. Анахь чIыпIэ зэжъу шъуифагъэми, къулайныгъэ къызхэшъогъафэ, шIэныгъэу шъуиIэхэри дэгъоу шъогъэ­федэх.

ШъуимэфэкI ехъулIэу зэкIэми тышъуфэлъаIо псауныгъэ пытэ, щыIэкIэшIу шъуиIэнэу, Адыгеимрэ Урысыемрэ яфедэ зыхэлъ IофшIэным гъэхъагъэхэр щышъушIынхэу!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр