Рекламэм иIофыгъо къыриIотыкIэу щытыгъ мы мафэхэм Гавер­довскэ тхылъеджапIэу N 10-м щызэхащэгъэгъэ Iофтхьабзэу «Рек­лама — вред или польза?» зыфиIорэм.

Ащ ныбжь зэфэшъхьафхэм арыт тхылъеджэхэр хэ­лэжьагъэх.

Библиотекархэм къызэхэ­хьагъэхэм гущыIэу «реклама» зыфиIорэм имэхьанэ­-купкI, ар къызэрежьагъэр, пчъагъэу зэрэзэтефыгъэр, мурадэу ыкIи пшъэрылъэу иIэхэр къафыраIотыкIыгъ.

Рекламэм имурадыр цIыф­хэм яфэныкъуагъэхэр арагъэгъотызэ, ежь лэжьапIэм имылъку хагъэхъоныр ары.

Дэгъуми, дэйми, джырэ мафэхэм рекламэр щыIакIэм хэмытэу къызшIогъэшIыгъуай, щыIэныгъэ лъэ­ныкъуабэмкIэ гъэзагъэу ар мэла­жьэ. Тхылъеджэхэр зэ­хэгущыIэгъум чанэу хэлэжьагъэх. Зыхэм ар щэф-щэжь зэпымыужьым къыпкъырыкIэу ыкIи ар хэмытэу, пщэрэм сыд идэгъу­гъэми, пфыIумыгъэкIышъущтэу алъытагъ, адрэхэм — мафэ къэс рекламэр нахьыбэ зэрэхъурэр егъэлыегъаIоу кIагъэтхъыгъ. Ауми зэкIэми зэдырагъаштэу хагъэунэ­фыкIыгъэр рекламэр цIыфхэм япсихикэ хэзагъэу, екIоу, щэн-щэфыныр зэрэзэкIигъаблэрэр ары. Уегу­пшысэмэ, ар джы тищыIэныгъэ хэбгъэкIыныр, хэмытыныр къызшIогъэшIыгъуай, арышъ, тиягъэ хэти емыкIы­мэ нахьышIу.

Iофтхьабзэм кIэщакIо фэ­хъугъэхэр мы тхылъеджапIэм ибиблиотекархэу Н. О. Алексеевар ыкIи М. Н. Иргизцевар арых.