Мыекъуапэ икъэзэкъхэм Рождественскэ елкэм фэгъэхьыгъэ зэхахьэ Адыгэ Республикэм и Къэралыгъо филармоние игъэкIотыгъэу щызэхащагъ.

МэфэкIым ипчэдыжь зэхахьэ Краснодар краим, АР-м якъэзэкъ ныбжьыкIэ 350-м нахьыбэ къырагъэблэ­гъагъ. Адыгеим ишъолъыр ­лъэпкъ общественнэ организациехэм ахэтхэри ащ хэлэжьагъэх.

КIэлэеджакIохэм сурэтхэр, пшысэхэм къахэхыгъэ едзыгъо­хэр, фэшъхьафхэри Iофтхьабзэм къыщагъэлъэгъуагъэх.

МэфэкIым итарихъ фэгъэ­хьыгъэ зэIукIэгъум Мыекъуапэ икъэзэкъхэм яотдел ипащэу Александр Даниловыр, динлэ­жьэу Георгий Нехаевыр къыщыгущыIагъэх.

ЛIыжъ ЩтыргъукIымрэ Ос Пшъашъэмрэ япащэхэу ИлъэсыкIэм имэфэкI лъагъэкIотагъ. Орэдхэр къаIуагъэх, къэшъуагъэх, къэзэкъ джэгукIэхэр къагъэлъэгъуагъэх.

Зэнэкъокъум хэлэжьагъэхэм текIоныгъэр къащыдэзыхыгъэ Мыекъуапэ щыщ пшъашъэу Софья Мединскаям шIухьафтынхэр ратыжьыгъэх.

Мыекъуапэ изэхэт къэзэкъ купэу Н. И. Уваровам ыцIэ зы­хьырэ «Звонницэм», «Страна чудес» зыфиIорэ кIэлэцIыкIу купым, Мыекъуапэ икъэзэкъ ныбжьыкIэхэм я Союз, нэ­мыкIхэу зэхахьэм хэлэжьагъэ­хэм мэфэкIыр къагъэдэхагъ.

Екатерина Загорулько. Мыекъуапэ икъэзэкъхэм яотдел ипащэ игуадз.