Адыгэ Республикэм ижурналистхэу, къэбар жъу­гъэм иамалхэм Iоф ащызышIэхэу лъытэныгъэ зыфэтшIыхэрэр! Урысые печатым и Мафэ фэшI тышъуфэгушIо!

Къэбар жъугъэм иамалхэм яшIуагъэкIэ дунаим, хэгъэгум, шъолъырым аужырэ хъугъэ-шIагъэхэу къащыхъухэрэм, чIыпIэ къэбарыкIэхэм, цIыфхэм ягъэ­хъагъэхэм нэIуасэ тафэхъу. Журналист сэнэхьатыр псын­кIэп, творческэ екIолIакIэ Iофым фыуиIэн, уишIэныгъэхэм ахэбгъэхъон, цIыфхэм бзэ къафэбгъотын фае. Ащ фэдэ IофшIэн гъэшIэгъоныр, пшъэдэкIыжь ин зыхэлъыр ыкIи къиныр къыхэзыхыгъэхэм социальнэ пшъэ­рылъышхо зэшIуахы, анахь мэ­хьанэшхо зиIэ хъугъэ-шIагъэ­хэм цIыфхэр ащагъэгъуазэх, шэпхъэ дахэу обществэм хэ­лъын фаехэр алъагъэIэсы, тарихъ шIэжьыр мыкIосэным анаIэ тырагъэты, яхэгъэгу шIу алъэгъоу ныбжьыкIэхэр пIугъэнхэм фэлажьэх. Къэбар жъугъэм иамалхэм Iоф ащызышIэрэ журналистхэу тиреспубликэ исхэм общественнэ-политикэ зыпкъитыныгъэр гъэпытэгъэным, цIыфхэм азыфагу зэгурыIоныгъэ-зэзэгъыныгъэ илъыным яIахьышхо зэрэхашIыхьэрэм пае инэу тызэрафэразэр мы мэфэкI мафэм къэтэIо. Адыгеим ижурналистикэ лъапсэ фэзышIыгъэ ветеранхэми тирэзэныгъэ гущыIэ фабэхэр афэтэгъазэ. Ныбджэгъу лъапIэхэр! ЗэкIэми тышъуфэлъаIо псауныгъэ пытэ, щыIэкIэшIу шъуиIэнэу, творческэ Iофэу шъузфэгъэзагъэм гъэхъэгъэшхохэр щышъу­шIынхэу! Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат Адыгэ Республикэм и Къэралыгъо Совет —Хасэм и Тхьаматэу Владимир Нарожнэр