Адыгэ Республикэм лъэпкъ Iоф­хэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет итхьаматэу Шъхьэлэхъо Аскэр гъэзетэу «Адыгэ макъэм» иредактор шъхьаIэрэ иIофы­шIэхэмрэ Урысые печатым и МафэкIэ къафэгушIуагъ. Ащ къызэрэхигъэщыгъэмкIэ, официальнэ тедзэгъу закъоу адыгабзэкIэ респуб­ликэм къыщыдэкIырэр «Адыгэ макъэр» ары. Адыгабзэм икъэухъу­мэн ишъыпкъэу дэлэжьэрэ гъэзетым пшъэрылъыбэ зэрэзэшIуихырэм дакIоу культурнэ-просветительскэ IофшIэнышхуи егъэцакIэ. «Адыгэ макъэм» иредактор шъхьаIи, адрэ иIофышIэхэми псауныгъэ пытэ яIэнэу, гъэхъагъэхэмрэ творческэ текIоныгъакIэхэмрэ ашIынэу, гъэзетым ыцIэ дахэкIэ бэрэ Iунэу ар къафэлъэIуагъ.