ЕджэпIэ анахь дэгъухэм ахэхьагъэх
2022-рэ илъэсым хьисапымкIэ ыкIи естественнэ шIэныгъэхэмкIэ Урысыем ит еджэпIэ анахь дэгъухэр къыхахыгъэх. Ахэм Мыекъуапэ дэт гимназиеу N 22-р ыкIи лицееу N 8-р ахэхьагъэх.
ХьисапымкIэ ыкIи естественнэ шIэныгъэхэмкIэ кIэлэеджакIохэм ясэнаущыгъэ хагъэхъонымкIэ анахь дэгъоу зыкъэзыгъэлъэгъогъэ еджапIэхэм яспискэ гъэсэныгъэ гупчэу «Сириусым» ыкIи порталэу «Olimpiada.ru» зыфиIорэм къащахаутыгъ.
Къэралыгъо къэбарлъыгъэIэс системэм хахьэу олимпиадэхэм язэфэхьысыжьхэр, ащ къыхеубытэ дунэе зэнэкъокъухэр ыкIи Iофтхьабзэхэр, рейтингым изэхэгъэуцонкIэ IэубытыпIэ ашIыгъэх. Урысые Федерацием научнэ-технологическэ хэхъоныгъэ ышIынымкIэ и Стратегие къыдыхэлъытагъэу лъэныкъо шъхьаIэхэмкIэ къэгъэлъэгъон дэгъу зиIэ кIэлэеджакIохэр зыщеджэхэрэ еджапIэхэм яспискэ зэхагъэуцо.
Рейтингым анахьэу къащыхэщыгъэх Москва, Московскэ хэкум, Татарстан, Санкт-Петербург ыкIи Нижегородскэ хэкум ялIыкIохэр. Урысыем ишъолъыр 59-мэ арыт гурыт еджапIэхэр ащ хэхьагъэх.
Сурэтыр: Полярис — Адыгея.