Тыгъэгъазэм и 20-м, 2022-рэ илъэсым Адыгэ Республикэм и Министрэхэм я Кабинет унашъоу ышIыгъэм елъытыгъэу урыпсэункIэ ахъщэ анахь макIэу 2023-рэ илъэсым телъытагъэр Адыгеим щагъэнэфагъ.

ЦIыфэу щыпсэухэрэмкIэ ар зэрэхъугъэр сомэ 12363-рэ. ИкIыгъэ илъэсым ащ фэдэу агъэнэфэгъагъэр сомэ 10882-рэ.

Социальнэ-демографическэ куп шъхьаIэхэмкIэ гощыгъэу: 2023-рэ илъэсым Iоф зышIэхэрэмкIэ урыпсэункIэ ахъщэ анахь макIэр зэрэхъурэр сомэ 13476-рэ, пенсионерхэмкIэ — сомэ 10632-рэ, кIэлэцIыкIухэмкIэ — сомэ 12415-рэ.

Адыгэ Республикэм урыпсэункIэ ахъщэ анахь макIэр зыкIыщагъэнафэрэр:

— республикэм социальнэ программэхэр щызэхагъэуцо хъумэ, цIыфмэ ящыIэкIэ-псэукIэ изытет къыщыдалъытэным фэшI;

— гъот макIэ зиIэ унагъохэм атефэрэ къэралыгъо социальнэ IэпыIэгъур ягъэгъотыгъэным пае;

— Адыгэ Республикэм ибюджет агъэнэфэным фэшI.