«Пушкиным икартэ» иамалыкIэхэр къаIотагъэх
2021-рэ илъэсым иIоныгъо мазэ щегъэжьагъэу агъэфедэрэ проектэу «Пушкиным икартэ» 2023-рэ илъэсым Урысыем щылъагъэкIуатэ.
НыбжьыкIэхэу илъэс 14-м къыщегъэжьагъэу 22-м нэс зыныбжьыхэм сомэ мини 5 зэрылъ хэушъхьафыкIыгъэ картэу «Мир» зыцIэр зэрагъэгъотын алъэкIынэу проектым къыделъытэ.
Адыгеим культурэмкIэ и Министерствэ къызэрэщаIуагъэмкIэ, картэм илъ ахъщэр агъэфедэзэ культурэм иучреждениехэу музейхэр, театрэхэр къакIухьанхэ, къэгъэлъэгъонхэм, концертхэм, кинофильмэхэм ныбжьыкIэхэр яплъынхэ алъэкIыщт.
— НыбжьыкIэхэу илъэс 14-м къыщегъэжьагъэу 22-м нэс зыныбжьыхэу картэхэр зиIагъэхэм ахэр икIэрыкIэу къыдагъэкIыжьын ищыкIагъэп, щылэ мазэм ахэм ахъщэр къафырагъэхьащт (ыпэкIэ амыгъэфедагъэхэр ратхыкIыжьыщтых), — къыщаIуагъ АР-м культурэмкIэ и Министерствэ.