Прокуратурэм икъулыкъухэм яIофышIэхэу ыкIи яветеранхэу лъытэныгъэ зыфэтшIыхэрэр!

Урысые Федерацием ипрокуратурэ иIофышIэ и Мафэ фэшI тышъуфэгушIо!

Тихэгъэгу икъэралыгъо хабзэ иинститут шъхьаIэхэм зыкIэ ащыщ лIэшIэгъуищым ехъурэ тарихъ гъогушхо къэзыкIугъэ прокуратурэр. Прокурор IофышIэхэм ялIэужыбэмэ Урысыем къэралыгъо гъэпсыкIэу иIэм, хэбзэгъэуцугъэр гъэпытэгъэным яIахьышхо хашIы­хьагъ.

Непэ прокуратурэм икъулыкъухэм шIуагъэ къэзы­хьырэ IофшIэнэу агъэцакIэрэм ишIуагъэкIэ цIыфым Конституцием къыдилъытэрэ фитыныгъэхэу иIэхэр дэх имыIэу гъэцэкIагъэ мэхъух. IэпэIэсэныгъэ ин ахэлъэу, якъулыкъу пшъэрылъхэм афэшъыпкъэхэу прокуратурэм иIофышIэхэм мэхьанэшхо зиIэ къэралы­гъо Iофхэр гъэхъагъэ хэлъэу зэшIуахых. А пшъэ­рылъ­хэр зэпхыгъэхэр общественнэ-политикэ зыпкъ­иты­ныгъэр къэухъумэгъэныр, хэгъэгум ищынэгъон­чъа­гъэрэ цIыфхэм языкIыныгъэрэ гъэпытэгъэнхэр ары.

Законым, Урысыем ыкIи ащ щыпсэурэ цIыфхэм къулыкъур илъэсыбэхэм къакIоцI афэзыхьыгъэ, зы­шъхьа­мысыжьыгъэ пстэуми инэу тызэрафэразэр къэ­тэIо. Анахьэу тызфэразэхэр Адыгэ Республикэм ипро­куратурэ ихэхъоныгъэ зиIахьышхо хэзышIыхьэгъэ ветеранхэр ары.

Прокуратурэм инепэрэ IофышIэхэм тапэкIи гъэ­хъагъэ хэлъэу япшъэрылъ зэрагъэцэкIэщтым, ыпэкIэ мыщ щылэжьагъэхэм IэпэIэсэныгъэ инэу ахэлъыгъэм икъэухъумэн, ащ хэхъоныгъэ фэшIыгъэным зэрэфэлэжьэщтхэм тицыхьэ телъ.

Адыгэ Республикэм ипрокуратурэ иIофышIэхэу ыкIи иветеранхэу лъытэныгъэ зыфэтшIыхэрэр, тыгу къыддеIэу зэкIэми тышъуфэлъаIо псауныгъэ пытэ, щыIэ­кIэшIу шъуиIэнэу, хэгъэгум фэшъухьырэ къулыкъум тапэкIи гъэхъэгъакIэхэр щышъушIынхэу!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет —Хасэм и Тхьаматэу Владимир Нарожнэр