ШIушIэ IэпыIэгъур зэпыурэп
Пшызэ шъолъырымрэ Адыгеимрэ арыс цIыф гумэкIылэ-хьалэлхэм яIэпыIэгъу хэлъэу зэIуагъэкIэгъэ хьылъэу тонни 3 хъурэр Мыекъопэ къэзэкъ отрядым хэтхэм ЛНР-м и Лисичанскэ район ит къалэу Новодружескэ щыпсэухэрэмрэ къэзэкъ дзэкъулыкъушIэхэмрэ аIэкIагъэхьагъ.
ХэушъхьафыкIыгъэ дзэ операцием хэлажьэхэрэм апае щыгъын фабэхэр, Iэзэгъу уцхэр, гъомылапхъэхэр, IэшIу-IушIухэр, пхъэшъхьэ-мышъхьэхэр, Iэмэ-псымэ зэфэшъхьафхэу къашъхьапэн алъэкIыщтхэр ыкIи нэмыкIхэр шIушIэ IэпыIэгъум хэлъыгъэх.
КIэлэцIыкIухэм аIэкIэ ашIыгъэ сурэтхэр, тхыгъэ зэфэшъхьафхэр, зэолIхэм агу къэIэтыгъэным епхыгъэ гущыIэ фабэхэр ыкIи Iэпэщысэ цIыкIухэу хэтрэ кIэлэцIыкIуи ежь амалэу иIэм тетэу ыгъэхьазырыгъэр афарагъэщагъэхэм ахэлъыгъэх.
Къэблэгъэрэ ИлъэсыкIэм ехъулIэу къалэу Новодружескэ щыпсэухэрэм ялъэIу афагъэцэкIагъ: елкэшхорэ ащ пылъыщт джэгуалъэхэмрэ, IэшIу-IушIухэр афарагъэщагъэх. ШIушIэ хьылъэр автомобилитIукIэ ащагъ, ащ игъусагъэх Мыекъопэ къэзэкъ отделым ипащэу Александр Даниловыр. Апшеронскэ районымкIэ атаманэу Сергей Коростылевыр, штабым ипащэу Сергей Хлудневыр, къалэу Мыекъуапэ щыщ къэзэкъэу Олег Кубиковыр, спортымкIэ инструкторэу Алексей Андросовыр, къэзэкъ ныбжьыкIэхэм я Союз итхьаматэу Екатерина Загорулько.
Екатерина Загорулько.