Адыгэ Республикэм ищытхъуцIэхэр афэгъэшъошэгъэнхэм ехьылIагъ

Культурэм ылъэныкъокIэ гъэхъагъэу яIэхэм ыкIи гуетыныгъэ фыряIэу Iоф зэрашIэрэм апае щытхъуцIэу «Адыгэ Республикэм культурэмкIэ изаслуженнэ IофышI» зыфиIорэр афэгъэшъошэгъэнэу:

Волощук Светланэ Виталий ыпхъум – Адыгэ Республикэм культурэмкIэ икъэралыгъо бюджет учреждениеу «Адыгэ Республикэм и Лъэпкъ тхылъеджапI» зыфиIорэм инаучнэ-методическэ отдел ипащ;

Гогина Еленэ Леонид ыпхъум – Адыгэ Республикэм гъэсэныгъэмкIэ икъэралыгъо бюджет организациеу «ИскусствэхэмкIэ Адыгэ республикэ колледжэу У.Хь. Тхьабысымэм ыцIэкIэ щытыр» зыфиIорэм иметодическэ кабинет ипащ;

Джастэ Саидэ Юрий ыпхъум – гъэсэныгъэ тедзэ ягъэгъотыгъэнымкIэ муниципальнэ бюджет учреждениеу «ИскусствэхэмкIэ кIэлэцIыкIу еджапIэу къуаджэу Тэхъутэмыкъуае дэтыр» зыфиIорэм изобразительнэ искусствэмкIэ икIэлэегъадж;

Мыгу Маржанэ Кожан ыпхъум – муниципальнэ бюджет учреждениеу «Тэхъутэмыкъое гупчэ библиотечнэ системэр» зыфиIорэм икIэлэцIыкIу модельнэ тхылъеджапIэу Инэм дэтым ипащ;

Шперов Сергей Юрий ыкъом – культурэм и Унэу псэупIэу Прикубанскэм дэтым ихорэу «Прикубанцы» зыфиIорэм иаккомпаниатор.

Журналистикэм ылъэныкъокIэ гъэхъагъэу яIэхэм ыкIи илъэсыбэ хъугъэу Iоф зэрашIэрэм апае щытхъуцIэу «Адыгэ Республикэм изаслуженнэ журналист» зыфиIорэр афэгъэшъошэгъэнэу:

Погасеева Людмилэ Алексей ыпхъум – Адыгэ Республикэм лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет хэутын IофхэмкIэ, зэлъыIэсыкIэ амалхэмкIэ иотдел ипащ;

Хъущт Мирэ Щэбан ыпхъум – муниципальнэ бюджет учреждениеу «Тэхъутэмыкъое муниципальнэ телевидениер» зыфиIорэм ишеф-редактор;

Чебурахина Еленэ Станислав ыпхъум – Къэралыгъо телевизионнэ ыкIи радиовещательнэ компаниеу «Адыгеир» зыфиIорэм къэбархэмкIэ ипрограммэхэм афэгъэзэгъэ къулыкъум ишеф-редактор.

Промышленностым ихэхъоныгъэ иIахь зэрэхишIыхьэрэм ыкIи илъэсыбэ хъугъэу Iоф зэришIэрэм апае щытхъуцIэу «Адыгэ Республикэм промышленностымкIэ изаслуженнэ IофышI» зыфиIорэр ЛIыхьэтыкъо Аслъан Хьисэ ыкъом – Урысые общественнэ-къэралыгъо организациеу «Добровольное общество содействия армии, авиации и флоту России» зыфиIорэм икъутамэу Адыгэкъалэ дэтым итхьаматэ фэгъэшъошэгъэнэу.

Физическэ культурэмрэ спортымрэ алъэныкъокIэ гъэхъагъэу ышIыгъэхэм апае щытхъуцIэу «Адыгэ Республикэм физическэ культурэмкIэ изаслуженнэ IофышI» зыфиIорэр ЦIыкIу Налбый Байзэт ыкъом – муниципальнэ образованиеу «Тэхъутэмыкъое районым» физическэ культурэмкIэ ыкIи спортымкIэ и Комитет испециалист шъхьаIэ фэгъэшъошэгъэнэу.

Адыгэ Республикэм и ЛIышъхьэу КъумпIыл Мурат

къ. Мыекъуапэ,

тыгъэгъазэм и 26-рэ, 2022-рэ илъэс

N 157