Адыгэ Республикэм и Къэралыгъо Совет – Хасэм ияпшIыкIубгъонэрэ зэхэсыгъо 2022-рэ илъэсым тыгъэгъазэм и 29-м щыIэщт.

Зэхэсыгъом къыщаIэтыщтхэм мы Iофыгъохэр ахагъэхьагъэх: законопроектхэу «Шъон пытэхэм, наркотикхэм агъэутэшъуагъэхэм е щэнаутхэр къызэгоуагъэхэм IэпыIэгъу афэхъущт организациехэр зэрэзэхащэрэ шIыкIэм ехьылIагъ» зыфиIорэм, «Адыгэ Республикэм изаконхэу «Адыгэ Республикэм икъэралыгъо къулыкъухэм яIофшIэн зэрэзэхащэрэм ехьылIэгъэ къэбархэр къызIэкIэгъэхьэгъэнхэм епхыгъэ правовой акт заулэ гъэзекIогъэным ехьылIагъ», «Унагъом, ным, тым, кIэлэцIыкIухэм якъэухъумэн ехьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэхэм» ятIонэрэу ахэплъэгъэныр; законопроектхэу «Этнокультурнэ байныгъэм ылъэныкъокIэ Адыгэ Республикэм икъэралыгъо хэбзэ къулыкъухэм яполномочиехэм яхьылIагъ», «2023-рэ илъэсым Адыгэ Республикэм икъэралыгъо мылъку приватизацие зэрашIыщт программэм ехьылIагъ» зыфиIохэрэм, «Адыгэ Республикэм изаконхэу «2022-рэ илъэсымкIэ ыкIи 2023-рэ, 2024-рэ илъэсхэм ячэзыу пIалъэкIэ Адыгэ Республикэм иреспубликэ бюджет ехьылIагъ», «2022-рэ илъэсымкIэ ыкIи 2023-рэ, 2024-рэ илъэсхэм ячэзыу пIалъэкIэ Адыгэ Республикэм шIокI зимыIэ медицинэ страхованиемкIэ и ЧIыпIэ фонд ибюджет ехьылIагъ», «Ветеринарием ылъэныкъокIэ Iофыгъо заулэ Адыгэ Республикэм щызэшIохыгъэным ехьылIагъ», «Адыгэ Республикэм щыпсэурэ цIыф куп заулэмэ социальнэ IэпыIэгъу ягъэгъотыгъэ­ным ехьылIагъ», «Къэлэгъэпсын IофшIэным ехьы­лIагъ», «Сэкъатныгъэ зиIэхэм атегъэпсыхьэгъэ Iоф­шIэпIэ чIыпIэхэмкIэ шапхъэу щыIэхэм, сэкъатныгъэ зиIэхэр зыщылэжьэнхэ алъэкIыщт IофшIэпIэ чIыпIэхэм яхьылIагъ», «ЧIыпIэ зыгъэIорышIэжьынымкIэ къулыкъухэм гъэсэныгъэм ылъэныкъокIэ Адыгэ Республикэм икъэралыгъо полномочие заулэ афэгъэзэгъэным ехьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэхэм» апэрэу ахэплъэгъэныр ыкIи нэмыкI Iофыгъохэр. Адыгэ Республикэм и Къэралыгъо Совет – Хасэм изэхэсыгъо Адыгэ Республикэм и Урыс къэралыгъо драматическэ театрэу А.С. Пушкиным ыцIэ зыхьырэм: къ. Мыекъуапэ, Пушкиным иур., 179-м сыхьатыр 10-м щырагъэжьэщт.

Адыгэ Республикэм и Къэралыгъо Совет – Хасэм и Тхьаматэу Владимир Нарожный