Адыгэ къуаем икъыдэгъэкIын хагъэхъуагъ
Адыгэ къуаем икъыдэгъэкIын республикэм щыхагъахъо. 2021-рэ илъэсым къоешIмэ къое тонн мин 21-рэ къыдагъэкIыгъ, мы илъэсым ыкIэухым ехъулIэу зэфэхьысыжьхэр ашIыхэмэ, къое тонн мин 25-м ар кIагъэхьанэу мэгугъэх.
АР-м и ЛIышъхьэу КъумпIыл Мурат занкIэ зэдэгущыIэгъоу цIыфмэ адыриIагъэм ар къыщиIуагъ ыкIи къуаер зыхашIыкIырэ гъэщым ахэгъэхъогъэным мэхьанэ зэриIэр хигъэунэфыкIыгъ.
Адыгеястатым къызэритыгъэмкIэ, мы илъэсым имэзипшI былымхэм, пчэнхэм ыкIи мэлхэм щэ килограмм миллион 222-у къатыгъэр къыдагъэкIыжьырэ продукцием хагъэхьагъ. БлэкIыгъэ илъэсым елъытыгъэмэ, ар процент 18,3-кIэ нахьыб. Щэу къыдагъэкIыжьыгъэр, ащ сабыймэ апае агъэхьазырырэри зэрэхэтэу, килограмм миллион 12,2-кIэ, проценткIэ пштэмэ, 41-кIэ мы илъэсым нахьыбэ хъугъэ,