ИлъэсыкIэм ипэгъокIэу Мыекъуапэ дахэу агъэкIэракIэ. Къэлэ паркым, Лениным ыцIэ зыхьырэ гупчэм, Черемушкэм, Восходым ыкIи нэмыкI чIыпIэхэм елкэхэр ащагъэуцугъэх.

Мы мафэхэм Лениным ыцIэ зыхьырэ гупчэм ит елкэр мэфэкI шIыкIэм тетэу къызэIуа­хыгъ. Ащ цIыфыбэ къекIолIагъ. ИлъэсыкIэ Iофтхьабзэр гъэшIэгъонэу кIуагъэ, пшысэ зэфэ­шъхьафхэм ахэт персонажхэм къэзэрэугъоигъэхэр агъэчэфыгъэх. КIэлэцIыкIухэм орэдхэр, усэхэр къаIуагъэх, къэшъуагъэх. ЛIыжъ ШтыргъукIымрэ Ос Пшъа­шъэмрэ зыхэлэжьэгъэхэ зэнэ­къокъу зэфэшъхьафхэр зэхащагъэх. Анахь чанэу Iофтхьабзэм зыкъыщызыгъэлъэгъогъэ кIэлэцIыкIухэм, ны-тыхэм шIухьафтынхэр аратыгъэх.

Мыекъопэ къэлэ администрацием культурэмкIэ и ГъэIорышIапIэ, культурэм и Унэу «Гигантыр», станицэу Ханскэм дэт культурэм и Унэ ыкIи кIэлэцIыкIу студиеу «Радуга» зыфиIорэр Iофтхьабзэм кIэщакIо фэхъугъэх.