МэфэкI мафэхэм, 2022-рэ илъэсым тыгъэгъазэм и 31-м къыщегъэжьагъэу 2023-рэ илъэсым щылэ мазэм и 8-м нэс Адыгэ Республикэм ипочтэхэм Iоф зэрашIэщт шIыкIэмкIэ федеральнэ почтэ зэпхыныгъэм Адыгэ РеспубликэмкIэ и ГъэIорышIапIэ макъэ къегъэIу: — 2022-рэ илъэсым тыгъэгъазэм и 31-р – почтэ пстэухэмкIи IофшIэгъу мэфэщт, зы сыхьаткIэ нахьыжьэу яIофшIэн аухыщт; — 2023-рэ илъэсым щылэ мазэм и 1-р, и 2-р, и 7-р — почтэхэмкIэ мэфэкI, зыгъэпсэфыгъо мэфэщтых; — 2023-рэ илъэсым щылэ мазэм и 3-м, и 4-м, и 5-м, и 6-м, и 8-м шапхъэу щыIэм тетэу почтэхэм Iоф ашIэщт. Аухэсыгъэ графикым диштэу пенсиер аратыщт: — 2023-рэ илъэсым щылэ мазэм и 3-м — 2023-рэ илъэ­сым щылэ мазэм и 3-м пае; — 2023-рэ илъэсым щылэ мазэм и 4-м — 2023-рэ илъэ­сым щылэ мазэм и 4-м пае; — 2023-рэ илъэсым щылэ мазэм и 5-м — 2023-рэ илъэ­сым щылэ мазэм и 5-м, и 6-м, и 7-м апае; — 2023-рэ илъэсым щылэ мазэм и 6-м — 2023-рэ илъэ­сым щылэ мазэм и 8-м, и 9-м апае. МэфэкIхэм ялъэхъан почтэхэм Iоф зэрашIэщт шIыкIэр почтэхэм якъэбарлъыгъэIэс пхъэмбгъухэм арагъотэщт. Федеральнэ почтэ зэпхыныгъэм Адыгэ РеспубликэмкIэ и ГъэIорышIапI Тел. 8 (8772) 52-57-87.