Къэгъэнэжьын IофхэмкIэ къулыкъухэм яIофышIэхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIым фэшI тышъуфэгушIо!

ПшъэдэкIыжь ин зыхэлъ, мэхьанэшхо зиIэ, щытхъу зыпылъ Iофэу жъугъэцакIэрэм IэпэIэсэныгъи, блэнагъи ищыкIагъэх. ЧIыпIэ зэжъу ифэгъэ цIыфхэм пстэуми апэу алъыIэсырэр шъоры. ОшIэ-дэмышIагъэ зыхэлъ тхьамыкIагъохэм ахэфагъэхэм якъэнэжьын епхыгъэ Iоф къинэу ыкIи щынагъоу щытым шъуз­шъхьамысыжьэу зыпэIушъодзэ, лIыхъужъныгъэрэ теубытагъэрэ шъухэлъэу шъуипшъэрылъ шъогъэцакIэ. Тихэгъэгу анахь щагъэлъэпIэрэ сэнэхьатхэм джащ пай ар зыкIахалъытэрэр.

Мы мафэм шъуикъулыкъу Iоф щызышIэрэ пстэуми цIыфхэм якъэгъэнэжьынкIэ псэемыблэжь Iофышхоу агъэцакIэрэм пае тызэрафэразэр къэтэIо. Анахьэу ар зыфэгъэхьыгъэр тиветеранхэр ары. Ахэм лъапсэ зыфашIыгъэ хэбзэ шIагъохэр зэрифэшъуашэу ныбжьыкIэхэм лъагъэкIуатэх.

Ныбджэгъу лъапIэхэр, зэкIэми тышъуфэлъаIо псауныгъэ пытэ, щыIэкIэшIу, рэхьатныгъэ шъуиIэнэу!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат.

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр