ХэушъхьафыкIыгъэ дзэ операциер зыщыкIорэ шъолъы­рым ащэщт илъэсыкIэ шIушIэ хьылъэр Адыгеим щагъэхьа­зырыгъ.

Мобилизацием къыхиубытагъэхэм ялъэIукIэ спискэхэр зэхагъэуцох ыкIи ящыкIэгъэ пкъыгъохэр, Iэмэ-псымэхэр, нэмыкIхэр къащэфых. Ащ нэмыкIэу тидзэ къулыкъушIэхэр къызэрэкIэлъэ­Iугъэхэм тетэу тхьамафэу икIыгъэм хэушъхьафыкIыгъэ дзэ операциер зыщыкIорэ шъолъырым реанимобилитIу, Iэзэгъу уцхэр, гъомылапхъэхэр нагъэсыгъэх.

— Ренэу хьылъэхэр афятэгъащэх, ау мыр адрэхэм афэдэп, сыда пIомэ Илъэ­сыкIэр къэблагъэ! Яунэ имысхэми, зэолIхэм а мэфэкIыр зэхашIэнэу тыфай. ЦIыфым нахь ищыкIэгъэ пкъыгъохэм язакъоп афэдгъэхьыхэрэр, Адыгеим икIыгъэхэу хэушъхьафыкIыгъэ дзэ операцием хэлажьэхэрэм апае шIухьафтынхэри афятэгъащэх, джащ фэдэу письмэхэу ыкIи открыткэхэу хъохъу фабэхэр зэрытхэр аIэкIэтэгъахьэх. КIэ­лэеджакIохэм ащыщыбэм дзэкIолIхэм зэрадырагъаштэрэм ишыхьатэу сурэтхэр, ежьхэм аIэкIэ ашIыгъэ мэфэкI джэгуа­лъэхэр афарагъэщагъэх, — къыхигъэщыгъ Адыгеим и ЛIышъхьэ.

МэфэкI шIушIэ хьылъэр тыгъуасэ тидзэкIолIхэу хэушъхьафыкIыгъэ дзэ операцием ишъолъыр щыIэхэм афатIупщыгъах.