Унэгъо шэн-хабзэхэр мэпытэх
ЗэхэкIыжьырэ унэгъо пчъагъэм егъэпшагъэмэ, къэзэрэщэхэрэр хэпшIыкIэу Адыгеим нахьыбэ щыхъугъ. Адыгея-статым къызэритыгъэмкIэ, 2022-рэ илъэсым имэзибгъу зэшъхьэгъусэ зэрэхъугъэхэмкIэ тхылъ 2114-рэ республикэм къащаратыгъ. ЗэхэкIыжьыгъэхэм ягъэпшагъэмэ, 456-кIэ ар нахьыб.
НыбжьыкIэ дэдэу зызэгуязыгъатхэхэрэм анахьи хэкIотагъэу унагъо зэдэзышIэхэрэр зэрэнахьыбэм Адыгеястатым испециалистхэм гу лъатагъ. ГущыIэм пае, мы илъэсым имэзипшI зызэгуязыгъэтхагъэхэм илъэс 18-м зыныбжь нэмысыгъэ кIэли 9, пшъэшъэ 85-рэ, зыныбжь илъэс 50-м къехъугъэ хъулъфыгъи 174-рэ, бзылъфыгъи 131-рэ къахэфагъ. Илъэс 20-м зыныбжь нэмысыгъэхэм унэгъо 20, илъэс 50-м зыныбжь къехъугъэхэм унэгъуи 107-рэ зэдагъэпсыгъ.