Лъытэныгъэ зыфэтшIырэ тиIофшIэгъоу ЖакIэмыкъо Аминэт ныбжь дахэ иIэ зэрэ­хъугъэмкIэ гуфэбэныгъэ хэлъэу тыфэгушIо!

Аминэт илъэс пчъагъэ хъугъэу исэнэхьат фэшъыпкъэу, ищытхъу аригъаIозэ гъэзетым щэлажьэ. Зыфэгъэзэгъэ лъэныкъом хэшIыкIышхо зэрэфыриIэм дакIоу, цIыфыгъэ, адыга­гъэ зыхэлъ бзылъфыгъ, иIофшIэгъухэм лъы­тэныгъэшхо фашIы.

Псауныгъэ пытэ иIэу, илъфыгъэхэм, ахэм къакIэхъухьагъэхэм яхъяр адигощэу, зыхэтхэм агъэлъапIэу, иIофшIэн къыфихьырэ щытхъум хэхъо зэпытэу бэрэ джыри адыгэ лъэпкъым фэлэжьэн амал иIэнэу тыфэлъаIо.

«Адыгэ макъэм» щылажьэхэрэр.