Энергетикэм епхыгъэу Iоф зышIэхэу ыкIи иветеранхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIым — энергетикым и Мафэ фэшI тышъуфэгушIо!

Экономикэм хэхъоныгъэ ышIынымкIэ, инвестициехэр нахьыбэу республикэм къихьанхэмкIэ, цIыфхэм щыIэкIэ-псэукIэу яIэр нахьышIу хъунымкIэ энергетикэм иинфраструктурэ зэтегъэпсыхьагъэ лъэ­псэшIоу щыт.

Промышленнэ ыкIи мэкъумэщ предприятиехэм, социальнэ псэуалъэхэм зыпкъ итэу Iоф ашIэнымкIэ, цIыфхэр нахь дэгъоу псэунхэмкIэ энергетикхэм яIоф­шIэн зэрэзэхэщагъэм бэ елъыты­гъэр. Адыгеим электроэнергиемкIэ ифэныкъоныгъэхэр игъэкъугъэнхэмкIэ инфраструктурэ тэрэз щыIэным телъытэгъэ Iофтхьабзэхэр непэ Адыгэ Республикэм щызэрахьэх.

Адыгеим иэнергетикхэм яIэпэIэсэныгъэрэ ягуетыныгъэрэ яшIуагъэкIэ пшъэ­рылъхэу яIэхэр зэшIохыгъэ зэрэхъущтхэм, зэпыу фэмыхъоу светымрэ фабэмрэ цIыфхэм зэраIэкIэхьащтхэм тицыхьэ телъ.

Ныбджэгъу лъапIэхэр! Тыгу къыддеIэу зэкIэми тышъуфэлъаIо псауныгъэ пытэ шъуиIэнэу, шъуигухэлъышIухэр къы­жъудэхъунхэу, Адыгеим щы­псэухэрэм яфедэ зыхэлъ Iофышхоу жъугъэцакIэрэм гъэхъагъэхэр щышъу­шIынхэу!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр