2022-рэ илъэсыр къызихьагъэм къыщыубла­гъэу Мыекъуапэ имэз-парк чIыпIэхэу «Мэз­дахэкIэ» заджэхэрэмрэ «Лысая поляна» зы­фиIорэмрэ ащызэIукIэгъэ хэкI тонн 60 шъо­лъыр операторым дищыгъ.

«ЗыгъэпсэфакIохэм пластикым ыкIи апчым ахэшIы­кIыгъэ бэшэрэбхэр, пакетхэр ыкIи ямыщыкIэгъэжь тхьапэхэр мэз-паркым щыратэкъух, хэушъхьафыкIыгъэ бакэу агъэуцугъэхэм арадзэхэрэп. Шап­хъэхэр агъэцакIэщтыгъэемэ, мы чIыпIэр нахь къабзэу щыты­щтыгъ. Тэ тпшъэ итлъхьажьыгъэ Iофтхьабзэр, ыпкIэ хэмы­лъэу хэкIыр мы чIыпIэм Iут­щыныр, дэх тимыIэу тэгъэцакIэ», — къыхигъэщыгъ ООО-у «Эко­Центрэм» и Адыгэ шъо­лъыр къутамэ ипащэу Алыбэрд Налбый.

Шъугу къэдгъэкIыжьын, шъо­лъыр операторым ыпэрапшIэу мы мэз-парк чIыпIэм хэкIыр зэратэкъощт контейнериплI щи­гъэуцугъагъ. Ахэм ащыщэу тIур агъэкIодыгъ (зыр агъэстыгъ, ятIонэрэр псыуцупIэм хадзагъ). Компаниеу «ЭкоЦентрэм» иIофышIэхэр къэлъаIох бакмэ цIыфхэр афэсакъынхэу, машIор къызкIэнэгъэ пкъыгъохэр ра­мыдзэнхэу, Iэдэбныгъэ къыз­хагъэфэнэу.