Урысые Федерацием щынэгъончъэнымкIэ икъулыкъухэм яIофышIэхэу ыкIи яветеранхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIым фэшI тышъуфэгушIо!

Тикъэралыгъо ыкIи ащ ицIыфхэм ящынэгъончъагъэ шъуфэгъэзагъэу зэрэщытым дакIоу Урысые Федерацием изыкIыныгъэ, илъэпкъ федэхэр, конституционнэ гъэпсыкIэм ылъапсэхэр къэшъоухъумэх. IэпэIэсэныгъэ, пытагъэ ыкIи блэнагъэ зыхэлъхэр ары шъуи­къулыкъухэм ащылажьэхэрэр. Урысыем щынэгъончъэнымкIэ икъулыкъухэм яхэбзэ шIагъохэр къэшъуухъумэхэзэ, терроризмэмрэ экстремизмэмрэ апэ­у­цужьыгъэнымкIэ шъуипшъэ­рылъхэр дэгъоу шъогъэцакIэх. Промышленностым ипсэуалъэ­хэр, инфраструктурэр, транспортыр бзэджашIэхэм ащыу­хъу­мэгъэнхэмкIэ, Урысыем исо­циальнэ-экономикэ хэхъоныгъэ лъыкIотэнымкIэ мэхьанэшхо зи­Iэхэм ащыщ шъуипшъэдэкIыжь зэрэиныр дэгъоу зэрэзэхэшъу­шIыкIырэр. ЗэкIэми тышъуфэраз шъузы­шъхьамысыжьэу шъуиIоф зэ­рэжъугъэцакIэрэм, Адыгэ Рес­публикэм общественнэ-политикэ зыпкъитыныгъэ илъыным шъуи­Iахь зэрэхэшъушIы­хьэрэм апае. Щынэгъончъэным икъулы­къу­хэм яIофышIэ пстэуми та­фэлъаIо псауныгъэ пытэ, щы­IэкIэшIу яIэнэу, Адыгеимрэ Уры­сыемрэ яфедэ зыхэлъ ублэпIэ пстэуми гъэхъагъэхэр аща­шIынхэу! Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат Адыгэ Республикэм и Къэралыгъо Совет — Хасэм и Тхьаматэу Владимир Нарожнэр