Тыгъэгъазэм и 15-м 2022-рэ илъэсым «Киловаттхэр шIухьафтынэу» зыцIэ акциеу «ТНС энерго Кубань» зыфиIорэм зэхищагъэм текIоныгъэ къыщыдэзыхыгъэхэр ащ ихэушъхьафыкIыгъэ сайт къыщыхаутыгъэх.

ТекIоныгъэ къыдэзыхыгъэмэ яунэе счетхэм электроэнергие тедзэ зэрафашIыщтымкIэ бонусхэр арэхьэх. Зэнэкъокъум къыгъэнэфэгъэ шапхъэхэр зыгъэцэкIагъэхэм ащыщэу генераторым нэбгырэ 35-рэ къыхихыгъ. Электроннэ квитанциер зыгъэфедэрэ нэбгырэ 15-мэ сомэ 1000 зырыз къа-­ хьыгъ, тхьэпэ квитанциер къызIукIэ­хэрэм ащыщ нэбгырэ 20-мэ сомэ 500 зырыз шIухьафтынэу афэкIощт.

Мэзищым къыкIоц нэбгыри 120-м текIоныгъэр афагъэшъошэнэу агъэнафэ. А купым хафэ зышIоигъохэм ясчетчикхэм къагъэлъэгъорэ пчъагъэр зыфэдизыр мазэм и 23-м къыщегъэ­жьагъэу и 25-м нэс аIопщын, сомэ 500-м шъхьадэкIэу къафалъытагъэр игъом атын ыкIи чIыфэ атемылъэу щытынхэ фае.